Kasomi
JT Founder
IJUE HATIMA YA SQUID GAME.
Msimu wa tatu wa Squid Game unatarajiwa kuanza leo, Ijumaa, Juni 27, 2025, saa 12:30 mchana kwa saa za India (saa 10:00 asubuhi kwa saa za Africa Mashariki) kwenye Netflix.
Huu utakuwa msimu wa mwisho wa mfululizo huu maarufu wa Korea Kusini, ukiwa na jumla ya sehemu sita.
Baada ya matukio ya kusisimua ya msimu wa pili, ambapo Gi-hun alijaribu kuanzisha uasi dhidi ya waandaaji wa mchezo lakini akasalitiwa na Front Man (In-ho), msimu huu mpya utaendelea kufuatilia juhudi za Gi-hun kuvunja mfumo wa mchezo huo hatari.
Wakati huo huo, Front Man anarejea kuongoza michezo, akiwakaribisha VIPs wapya, huku kaka yake, Jun-ho, akiendelea na uchunguzi wake wa siri kuhusu eneo la michezo hiyo, bila kujua kuwa kuna msaliti ndani ya timu yake.
Wachezaji wakuu wanaorejea ni pamoja na:
- Lee Jung-jae kama Seong Gi-hun
- Lee Byung-hun kama Front Man (In-ho)
- Wi Ha-joon kama Hwang Jun-ho
- Im Si-wan, Kang Ha-neul, Park Gyu-young, na wengineo.
Msimu huu umeelezwa kuwa wa giza zaidi na wa huzuni, lakini pia utakuwa na vipengele vya mshangao na ucheshi.
Mkurugenzi Hwang Dong-hyuk alidokeza kuwa msimu huu utachunguza hadithi iliyowekwa miaka 10–20 baadaye, ikionyesha mabadiliko ya muda na athari zake kwa wahusika.
Netflix tayari imetoa trailer rasmi ya msimu wa tatu, ikionyesha vipande vya matukio yajayo na kuashiria kuwa "Kila mchezo lazima ufike mwisho."
Trailer hiyo imeongeza hamasa kwetu sisi mashabiki tunaosubiri kuona hatima ya Gi-hun na wenzake.
Ukiniuliza kuhusu filamu ninayoijua kwa undani wake licha ya kutoifanyia recap kwa sauti, basi nitakujibu SQUID GAME.
Yani ninaifahamu filamu hii kinaga ubaga kushinda filamu zote za kikorea.
Credit: Ibrahim Hussein,
Dar es Salaam,
0629181056.
