Asilimia 40 ya Watumishi wa Umma hawafanyi kazi licha ya kulipwa mshahara kila Mwezi

[Kasomi]

ARUSHA: Waziri wa Nchi, Ofisi ya Rais, Menejimenti ya Utumishi wa Umma na Utawala Bora, George Simbachawene amesema kwa mujibu wa utafiti uliofanywa hivi karibuni na Tume ya Utumishi wa Umma Nchini umebainika zaidi ya asilimia 40 ya Watumishi wa Umma hawafanyi kazi licha ya kulipwa mshahara kila Mwezi

Amefafanua kuwa kwa mujibu wa tafiti hiyo, Wavivu, Wazembe, Wagonjwa pamoja na waliosusiwa kutokana na Vipaji na Uwezo wao ni asilimia 40 ya Watumishi wanaolipwa pasipo kufanya kazi

Aidha, Simbachawene amesema kumeibuka tabia ya baadhi ya Watendaji Wakuu hao pindi Mtumishi mwenye sifa za ziada anapohamia kwenye Taasisi anayoiongoza hupata hofu na kutompangia Majukumu kwa Hisia kuwa ametumwa kumchunguza au kuchukua nafasi yake