Benki kuu ya Iran yatoa noti mpya ya Rial Milioni 5 sawa na Shilingi elfu saba ya kitanzania

[Kasomi]

Benki Kuu ya Iran imeanza kusambaza noti mpya yenye thamani ya rial milioni 5, ambayo kwa kiwango cha soko ni sawa na takribani dola 3.10 pekee. Hii ndiyo noti kubwa zaidi kuwahi kutolewa nchini humo, ikilenga kurahisisha miamala ya pesa taslimu wakati sarafu ya taifa ikiendelea kuporomoka.

Kwa miezi sita iliyopita, thamani ya rial imeporomoka kwa zaidi ya nusu, kutoka takribani 800,000 rial kwa dola moja hadi zaidi ya 1.6 milioni rial kwa dola moja. Kuporomoka huku kunatokana na vikwazo vya kimataifa, nakisi ya bajeti, na mfumuko wa bei unaoendelea.