Mkasa wa Kweli wa Lwanda Magere Mwaka 2000 mpaka 2001

[Simulizi]

Lwanda Magere ana Mikasa Miwili ambayo tutakuletea hapa Tutaanza na Mkasa wa Kwanza na Msimuliaji ni Lwanda Magere mwenyewe hivyo tunanukuu kama alivyo simulia

MKASA WA KWANZA - MWAKA 2000 - 2001.

Sehemu ya 1.

Nilizaliwa mwaka 1986 wilayani Tarime,mkoa wa Mara,nchini Tanzania.Wazazi wangu walinipatia Jina ambalo nisingependa niliweke wazi,ila jina maarufu au a.k.a nafahamika kama Lwanda Magere,kwenye tumbo la mama yangu tulizaliwa watoto 4,mtoto wa kwanza ni dada yetu mkubwa,mtoto wa pili ni kaka yangu ambaye alimfuatia dada yangu kuazaliwa,mtoto wa tatu ni dada yangu mwingine ambaye ndiye niliyemfuatia katika uzao,na mwisho kabisa nilizaliwa mimi.Elimu yangu ya msingi niliipata kwenye shule mbili tofauti,kuanzia darasa la kwanza mpaka la tatu,nilisoma shule ya msingi Sabasaba,hiyo ilikuwa mwaka 1997 - 1999;Darasa la nne mpaka la saba nilisoma shule ya msingi Turwa,hiyo ilikuwa mwaka 2000 - 2003.

Mimi na ndugu zangu pamoja na wazazi wangu tulikuwa tunaishi wilaya ya Tarime,mitaa ya Bomani,(wenyeji wa Tarime wanaielewa vizuri hii mitaa) sisi hatukuwa wenyeji wa Tarime ila mama na baba walienda huko kikazi miaka ya nyuma, hivyo tukajikuta tumekuwa wenyeji wa huko,ndugu zangu walionitangulia katika uzao,wao walizaliwa mkoani Mwanza,ila mimi pekee ndiye niliyezaliwa Tarime.Wazazi wangu kikabila ni Wasukuma,mama yangu alikuwa mwenyeji wa wilaya ya Kwimba,akitokea kijiji kimoja kinaitwa Sumve;Baba yangu yeye alikuwa mwenyeji wa wilaya ya Misungwi.Baba yangu alikuwa ni mtu wa kusafiri sana kikazi na mama yangu yeye kazi alikuwa anazifanyia pale mjini,japo pia walikuwa wakitoka kikazi mikoani,anaweza kukaa hata miezi 6 hajarudi nyumbani,mama alikuwa akifanya kazi kwenye kampuni ya ujenzi,hivyo nadhani zile pilika pilika za ujenzi pia zilimfanya kuwa bize sana.Baba yangu yeye alikuwa akifanya kazi kwenye shirika lisilokuwa la kiserikali,kwa wakati huo kwakuwa nilikuwa mdogo sikuweza kufahamu hilo shirika lao lilikuwa likijihusisha na kitu gani.

Siku moja baba alipata safari ya kikazi kwenda mkoani Singida ambako alikaa kama miezi miwili, aliporudi alirudi na dada mmoja mwenye asili ya kiarabu(half cast)akiwa kama mfanyakazi wa ndani,kwa maelezo ya baba ni kwamba,yule dada alikuwa ni mfanyakazi wa ndani,nakumbuka mama yangu alimfokea sana baba akimtuhumu kwamba uenda yule mwanamke anaweza akawa mchepuko wake, ila baba anazuga kwamba ni mfanyakazi(siunajua tena mambo ya wivu).Baadae mambo yalikaa sawa,yule dada akawa mfanyakazi wa ndani pale nyumbani kwetu,Kiukweli alikuwa mzuri sana, kwasababu tulifundishwa nidhamu na heshima,tulimheshimu kama dada yetu na tukampenda pia.Siku zikasonga,hatimaye miezi nayo pia ikakata tukiishi kwa furaha,amani na upendo.
Wakati huo nakumbuka ilikuwa mwezi wa 12 mwaka 2000.Baba alihamishwa kikazi kupelekwa jijini Dar es salaam,hivyo pale nyumbani tukabaki na mama ambaye pia alianza kusafiri kikazi na kukaa hata miezi 5 au 6 hajarudi nyumbani, kilichokuwa kinafanyika ni kutumiwa pesa ya matumizi na kutupigia simu kutujulia hali.

Baada ya siku kadhaa kupita, siku moja usiku yule dada wa kazi, alituita sebuleni mimi pamoja na wale dada zangu akatueleza ya kwamba,yeye anawageni wake ambao ni ndugu zake watakuwa wanakuja kumtembelea kila mwisho wa mwezi,kwa kuwa tulifundishwa ukarimu, hivyo hatukuona taabu, ila alitueleza ya kwamba hao ndugu zake wanamashariti makali na inapaswa tuyaelewe ili watakapokuja tusipate taabu,hivyo sababu ya kutuita ilikuwa ni kutupa namna iliyo bora ya kuwapokea hao ndugu zake!.Kiukweli mimi nilipata mshituko kidogo, nilijiuliza maswaĺi kadhaa lakini sikupata majibu, tulikuwa tumezoea kuwapokea wageni mbalimbali siku zote na walikuwa wakija bila masharti!,sasa nikawa najiuliza hao ni wageni wa namna gani waliokuwa na masharti tena akasema ni makali na kila mtu anapaswa ayafuate si ombi bali ilikuwa ni lazima!.

Watu wote pale sebuleni tulikaa kimya,nilikuwa nikiziangalia sura za dada zangu zilibadilika ghafla na kuonyesha huzuni.Basi masharti yenyewe yakawekwa bayana kama ifuatavyo:-

1. Siku hiyo wote tutavaa nguo za kulalia(pajama)nyeupe.

2. Siku hiyo vyumba vya kulala vihakikishwe vinakuwa safi isionekane hata nukta ya uchafu.

3. Kabla ya kufika kwa wageni,ukihitaji kuoga basi hakikisha unaenda kuoga na sabuni ambayo alikuwa akiitumia yeye huyo dada wa kazi.

siikumbuki ile sabuni lakini ilikuwa na marashi makali sana na yenye harufu ya kupendeza.

4. Akawaambia dada zangu kwamba,siku hiyo ambayo wageni wake walikuwa wanakuja,endapo kuna mtu atakuwa kwenye siku zake za hedhi,basi hakutakiwa aonekane pale nyumbani maana angejuta!.


Hayo ndiyo yalikuwa masharti tuliyopewa siku hiyo.


Itaendelea.......................

 

[Simulizi]

MKASA WA KWANZA- Sehemu ya 2.


Inaendelea.............


Basi kwakuwa ilikuwa ni usiku tulipomaliza hicho kikao cha kumsikiliza dada wa kazi ilibidi kila mtu aelekee chumbani kwake kulala,ile nyumba ilikuwa kubwa,ilikuwa na vyumba 4 hiyo ni mbali na sebule,chumba cha kulia chakula,jiko,bafu na choo;Mimi nilikuwa nalala mwenyewe chumbani kwangu,dada yangu mkubwa alikuwa akilala chumba chake mwenyewe,yule mfanyakazi alilala na yule dada yangu niliyekuwa nikimfuatia mimi katika uzao, kilicho baki kilikuwa ni chumba cha wazazi wangu.
Yule kaka yangu ambaye yeye alikuwa akimfuatia dada yetu mkubwa katika uzao,alikuwa akiishi mkoani Mwanza kwa shangazi yetu wakati huo,hivyo hapo nyumbani niliishi mimi,wazazi wangu na ho dada zangu.

Kuishi hivi ndiyo ilikuwa desturi yetu na endapo wageni walikuwa wakitutembelea hapo nyumbani ilibidi yule dada yangu nilimfatia akiache chumba chake akalale na dada yetu mkubwa ili chumba chake wageni walale,na kama walikuwa wa kiume basi nililala nao kwenye chumba changu.Basi ilipofika jumapili,yule dada wa kazi aliwaambia dada zangu kwamba,kwa kuwa jumapili ni siku ya gulio(soko),ilitupasa kwenda kununua hizo Pajama alizotuambia siku ile ya yale masharti ya wageni wake,wenyeji wa Tarime nadhani watakuwa wanaelewa kila jumapili ilikuwa wanaita "siku ya soko" ilikuwa kama mnada,yaani siku hiyo wafanya biashara,wakulima wote wa ndani na nje(Kenya)walileta biashara zao kuuzwa hapo sokoni,,hivyo hata kama ungehitaji kitu gani cha bei rahisi basi ungekipata hapo gulioni siku hiyo,sijajua kama bado huu utaratibu upo mpaka leo au ulishabadilika maana nina muda mrefu sijarudi Tarime.

Gulio hili lilikuwa linafanyika karibu na shule ya msingi Sabasaba,ilikuwa nyuma ya jengo la ccm la wilaya,hivi viwanja nakumbuka vilikuwa vinaitwa viwanja vya Mwenge,kama sijakosea.Siku hiyo tulijiandaa wote na tukatoka kuelekea mjini,kwakuwa enzi hizo hakuna bodaboda tulitembea mpaka mjini na ilikuwa ni kitu cha kawaida kutembea tofauti na leo,umbali tuliotembea ingekubidi upande boda boda.Kila mtu alikuwa na shauku ya kuwashuhudia wageni wa dada wa kazi,basi tulifanikiwa kuzipata hizo nguo za kulalia (Pajama)nyeupe ingawa zangu zilikuwa kubwa sana ila niliambiwa zitapunguzwa na zitanifaa,japo haikuwa kazi nyepesi kuzipata ila tulifanikisha.

Safari ya kurejea nyumbani ilianza kama kawaida tuliuchapa mwendo wa miguu na hatukuona shida maana tulishazoea kutembea,kwa miaka hiyo haikuwa ajabu sana,mbali ya Pajama pia tulinunu nguo nyingine za kushindia,ilimradi kila mtu alifurahi kwa mitoko aliyoipenda.Nakumbuka hiyo ilikuwa katikati ya mwezi huo wa 12,na ilipofika kama siku mbili kabla ya mwezi kuisha,alituita tena baada ya kula na alitukumbushia tena yale masharti aliyotupatia kwenye kikao cha mwanzo,na alituambia kwamba kesho kutwa kwa kuwa ndiyo mwezi unaisha tujiandae kuwapokea ndugu zake!,sasi bila wasiwasi kila mtu alisema yupo tayari kwa mapokezi!.

Pale nyumbani nakumbuka tulikuwa na mlinzi ambaye mchana kutwa anakuwa kwenye shughuli zake na ilipokuwa ikifika jioni ya saa 12 ndiyo anakuja kwa kazi ya ulinzi,alikuwa mzee fulani hivi mnywaji wa pombe na kimuonekano alikuwa wa ajabu sana ila alikuwa na uwezo wa kuongea kiingereza,kifaransa,kireno na kikurya kwa ufasaha kabisa!,japo ulikuwa ukimuangalia huwezi amini,mama alikuwa akituambia kwamba,huyo mzee alikuwa amesoma sana,sema bangi na pombe zilimletea uwendawazimu,alikuwa akiitwa Mniko(Muniko)sijui kama nipo sahihi kwa namna linavyotamkwa,siunajua tena majina ya kikurya!,sisi tulipenda kumuita mzee Mniko.Basi yule dada wa kazi alimwambia dada yangu mkubwa amwambie mzee Mniko siku watakayo kuja hao ndugu zake asije akanywa pombe,alimwambia ambembeleze siku hiyo ajizuie kunywa,Yule mzee alikuwa mbishi sana,akawa anapayuka maneno ya kashfa kwamba,hakuna mtu wa kumzuia kunywa pombe kwasababu ni sehemu ya maisha yake!,tangu mwanzo huyu mzee Mniko na yule dada wa kazi walikuwa hawapatani kabisa,sijajua shida ilikuwaga ni nini,hivyo yule dada wa kazi kuliepuka shari la mzee Mniko ilibidi amtume dada mkubwa akaongee naye uenda angemuelewa,lakini mzee alibwata kwa ghadhabu kwamba hakuna wa kumzuia kunywa pombe na kama ni sheria basi huyo mdada wa kazi azipeleke huko kwao alikotoka!.

Basi kwakuwa yule mzee tulimzoea tulichukulia kawaida ila dada wa kazi alimsihi sana dada kwamba hata kesho yake pia aongee naye.Siku moja kabla ya tukio la kuwapokea wageni kila mtu alikuwa bize na ishu zake za hapa na pale ikiwemo usafi wa nguo pamoja na vyumbani,kiukweli hatukutaka kum-disapoint yule dada wa kazi kwani kila mtu alitii maelekezo bila shuruti!.


Itaendelea........................

 

[Simulizi]

MKASA WA KWANZA - Sehemu ya 3

Inaendelea.............

Basi siku ya kuwapokea wageni wa dada wa kazi iliwadia na kila mtu alikuwa na bashasha siku hiyo,nakumbuka siku hiyo lilipikwa Pilau ambalo sijawahi kulishuhudia mpaka leo hii na ukubwa wote huu,pale nyumbani kulikuwa na ratiba ya vyakula kila siku kuanzia jumatatu hadi jumapili ilikuwa na chakula chake,Kila jumapili tulishazoea ilikuwa ni siku ya kula Pilau,lakini kilichonishangaza sana ni kwamba siku hiyo pilau lilipikwa haikuwa jumapili ila kwasababu ni chakula ambacho nilikuwa nakipenda basi ilibidi nifurahi kimya kimya.Bado sijajua kama lile pilau ndiyo leo linaitwa Biriani ama vipi maana enzi hizo hata Biriani mimi silifahamu nilichokuwa nakifahamu ni Pilau tu,au wengi wetu tuliuita wali mchafu,Pilau lile lilikuwa jekundu na lilikuwa tamu hatari,kama nilivyosema hapo mwanzo sijawahi kula pilau la aina hiyo toka kipindi hicho mpaka leo hii nishakuwa mtu mzima,kumbuka mwaka huo wa 2000 mimi nilikuwa na miaka 14.

Kweli!,siku hiyo tukala vizuri kuanzia mchana mpaka jioni na kila mtu akajiandaa kuwapokea wageni,kumbukeni hapo mwanzo niliwaambia kwamba,moja ya sharti ilikuwa kwamba,ulipokuwa ukitaka kwenda kuoga ilikulazimu yule dada wa kazi akupe ile sabuni aliyokuwa akiitumia yeye ili ukaogee na hivyo ndivyo tulivyofanya!,ilipofika jioni kila mtu alikuwa yupo tayari;Ilipofika mida ya saa 1 usiku,yule dada alituita kama kawaida pale sebuleni na akatueleza namna alivyopenda tulivyoonesha utii,vinginevyo tungemuumiza yeye binafsi hata sisi pia tungeumizwa,akatuambia kwa kuwa tumejianda kikamilifu,kila mtu awe tayari kuwapokea wageni,kiukweli muda ulizidi kuyoyoma sana,mimi kama kawaida nilipata mashaka kidogo,mida ya saa 4 usiku ilipofika wageni sikuwaona na sijawahi kuwashuhudia wageni wakija pale nyumbani usiku,nilishazoea hata kama wageni wangetoka mbali basi walifika pale nyumbani mapema,ila siku hiyo ilikuwa tofauti,kitu kingine kilichonipa mashaka ni kwamba hao wageni wangefika vipi pasipo mwenyeji wao kwenda kuwapokea?,Kumbuka miaka hiyo simu za mikononi zilikuwa kwa matajiri sana,pamoja na wazee wangu kuwa na uwezo lakini hakuna aliyekuwa na simu ya mkononi au tuliita miche ya sabuni,simu iliyokuwepo ni zile simu za mezani za tu.

Yule dada wa kazi chumbani kwake kulikuwa na harufu ya marashi makali na yenye kuvutia sana!, ilipofika saa 6 usiku muda ambao nilishachukuliwa na usingizi kwenye kochi pale sebuleni,ghafla nilishitushwa na kishindo kikubwa juu ya bati!,kiukweli ndugu zangu sijawahi kuexperience hili tukio na halikuwa tukio la kawaida bali liliogopesha sana na kila mtu aliogopa,Kumbuka haya yote yanafanyika hakuna ambaye huko nje kwa majirani aliyesikia wala kuona bali ni sie humo ndani tu!.Baada ya muda yule dada alituita wote tuingie kile chumba alichokuwa akilala yeye na yule dada yangu mwingine,baada ya dakika 10 yule dada wa kazi hakuweza kuongea tena na alikauka akawa kama samaki mkavu!,kiukweli ile hali mpaka leo sitakuja kuisahau,siku hiyo ilikuwa ni mtafutano humo ndani,ndipo ghafla tulisikia sauti ya mwanamke,huyu mwanamke aliongea rafudhi kama ya watu wa pwani hasa huko Zanzibar!.

Kumbuka sauti tunaisikia ila anaye zungumza hatumuoni,hiyo sauti ilituambia tusiwe na hofu kwani wao wamekuja kumuona binti yao na anashukuru sana kwa sisi kuwa watiifu kwa mtoto wao na akatuambia hajaja peke yake bali kaja na baba yake,basi baada ya ile sauti ya kike kuzungumza ghafla ilianza kusikika sauti ya kiume iliyokuwa nzito,ndugu zangu kumbukeni mpaka huo muda huyo dada wa kazi kakauka,alikuwa hajitingishi wala haoengei,yaani alikuwa kakaushwa kama samaki mkavu!,ile sauti ya kiume ilimuita kila mtu kwa jina lake na nakumbuka aliye kuwa wa mwisho kuitwa na kutajwa jina lake alikuwa dada yangu mkubwa,kiukweli hapa labda niseme kidogo,sijawahi kuona mtu anaongea na haonekani bali mnasikia sauti tu,nilizoea kuona ni maigizo lakini siku hiyo nilishuhudia laivu(Mubashara).Dada yetu mkubwa aliitwa na akaambiwa asogee asimame katikati ya kile chumba,kumbuka tulikuwa kwenye kile chumba alichokuwa akilala dada wa kazi na yule dada yangu mwingine!,basi dada yangu alitii akasogea,ile sauti iliianza kumwambia mambo yafuatayo ambayo bado nayakumbuka,mambo hayo ni haya :-

1.Ahakikishe itakapofika ijumaa ya wiki hiyo ambayo hili tukio limetokea asifanye kama anavyofanyaga,kwani akifanya atapoteza maisha yake,dada aliitikia kwa sauti ya kwamba ameelewa.

Hapo hatukuelewa huwa anafanyaga nini,kila mtu alibaki na swali kichwani mwake.

2.Ile sauti ilimwambia kwakuwa yeye ndiye mkubwa pale nyumbani ahakikishe anamhimiza kila mtu kuwa msafi wa kila kitu kuanzia mwili,mavazi mpaka vyumba tunavyolala vinginevyo tusipofanya hayo mahimizo tutapotea na kuangamia.

3.Jambo la mwisho hiyo sauti ilisistiza ya kwamba wao hawana shida yeyote na sisi na ndiyo maana wametupenda sana kwa kuwa watiifu.

Baada ya hiyo sauti kusema na dada na kila mtu kusikia,ghafla mle ndani ya chumba kulikuwa na mtikisiko mkubwa na vicheko vya kejeli!,ndani ya dakika kama 5 kulikuwa na ukimya wa ajabu huku tukitazamana,ndipo yule dada wa kazi akajitingisha,alilejea kwenye hali yake ya kawaida,hayo yaliyoendelea humo ndani hakutaka tumsimulie kwani alisema alikuwa anayaelewa yote!.Baada ya hapo kila mtu alitaka kufahamu ile hali iliyomkuta,alituambia kuna jambo halikwenda sawa na alipaswa kufa ila kupitia sisi tuliokoa maisha yake!,nadhani hapo mwanzo mnakumbuka niliwaambia kuhusu yule mlinzi wetu mzee Mniko,yule mlinzi siku hiyo ya tukio alikuwa amekunywa pombe ili akili yake ikae sawa,sasa kwa kuwa alisha tahadharishwa na hakusikia kumbe ile adhabu ilipaswa ailipe yule dada wa kazi na ndiyo maana alikaushwa kama samaki,pona pona yake anasema ni sisi mle ndani kutii yale aliyotuambia!.

Hiyo ilikuwa mida ya saa 8 za usiku na baada ya hapo tulitaka kufahamu yule mlinzi kule nje atakuwa na hali gani,basi dada yetu mkubwa alifungua mlango akatoka nje na kumuita yule mzee Mniko lakini hakuitikia,aliendelea kuita sana lakini hakukuwa na ishara yoyote ya mwitikio kutoka kwa yule mlinzi,basi sote tuliingia ndani kulala,dada akasema uenda atakuwa katoka nje ya geti anazunguka huko nje.Kweli!,siku hiyo tulilala kwa wasiwasi sana na kwa kuwa mimi nilikuwa bado dogo dada yangu mkubwa aliniambia nikalale naye chumbani kwake.

Itaendelea ...............

 

[Simulizi]

MKASA WA KWANZA - Sehemu ya 4.

Inaendelea.............

Kiukweli mimi nilipitiwa na usingizi na hata kulipokucha sikujua kama kumekucha ila nilikuja kuamshwa na dada yangu mkubwa niende nikapige mswaki kwa ajili ya kunywa chai,mambo hayo yote ya huu mkasa yalitokea mwezi wa 12 na vurumai hili liliendelea mpaka mwaka uliofuatia yaani mwaka 2001.Asubuhi hiyo dada zangu waliendelea kumtafuta yule mlinzi wetu mzee Mniko bila mafanikio,walimtafuta kila pembe ya nyumba,huyu mzee haikuwa kawaida yake kuondoka bila kuaga,ilikuwa ni lazima aage kila anapoondoka ili kila mtu ajiridhishe kwamba kuko salama,lakini siku hiyo ilikuwa tofauti,basi kila mtu aliendelea na shughuli zake baada ya kuona mzee hapatikani.Pale nyumbani kulikuwa na migomba, vilevile kulikuwa na maua ya kutosha,hivyo kila siku ilikuwa lazima niimwagilie ile migomba pamoja na maua,nilipokuwa nahitaji kumwagilia ilibidi nichukue mpira mrefu nikaunganishe kwenye bomba,bomba lilikuwa pembeni mwa nyumba yetu,ulikuwa ukiingia pale nyumbani mkono wa kulia mwa geti ndipo lilipokuwa bomba pamoja na tenki la maji lililokuwa limejengewa vizuri na cement,pembeni ya hilo tenki la maji kulikuwa na mti mkubwa wa mchungwa.

Sasa wakati nimefika hapo bombani kwa ajili ya kuchomeka mpira nikamwagilie migomba na maua, ghafla namwona mzee Mniko akiwa amelala chini ya ule mchungwa, kwa mazingira yale yalivyokuwa ilikuwa si rahisi yeye kuonekana!,basi nikakimbia kwenda kuwaita dada zangu pamoja na yule dada Ashura aliyekuwa mfanyakazi wetu,walipofika lile eneo yule dada wa kazi alisema mtu asimguse kwanza,alirudi ndani akavaa nguo flani hivi ndefu na ushungi kisha akaja,kuna maneno aliyatamka lakini sikuyaelwa na ndipo alipomgusa yule mzee Mniko akaamka!.Yule mzee alipoamka aligonganisha macho na dada Ashura akashituka lakini cha ajabu yule mzee alikuwa haongei,yaani alikuwa bubu,kila mtu aliingiwa na wasiwasi,mzee Mniko alilia kama mtoto mdogo maana alianza kuonyesha kwa ishara lakini hakuna aliyemuelewa.

Yule dada Ashura akaanza kumwambia "Siunaona sasa ulivyokuwa,nilikwambia lakini hukutaka kusikia,mdomo wako huo mchafu umekuponza ushukuru umepatikana mzima lakini wasingekuwa hawa ulikuwa uende na maji".

Dada yetu mkubwa ilibidi amuulize dada wa kazi huyo mzee amekuwaje na nini hatma yake?.

Dada Ashura alisema "siku ile nilikuambia uje umwambie huyu mzee siku watakapokuja wageni asinywe pombe na yeye akawa kichwa ngumu hiki ndicho kimempata"

Akaendelea kusema "simnakumbuka jana mimi nilivyokuwa nimekaushwa kama samaki mkavu?,basi ni kwasababu ya ukaidi wa huyu mzee,ila mlioniponya nafsi yangu na yake ni nyinyi kwa kutii yale niliyowaambia!"

Basi dada yangu mkubwa alimsihi sana yule dada wa kazi amuhurumie yule mzee maana alitia huruma kwani alikuwa akilia kama mtoto na sauti haitoki,alikuwa anapiga yowe tu kama mwendawazimu!.

Yule dada wa kazi alisema "mbebeni mpelekeni chumbani kwangu".

Kabla ya hapo niliambiwa mimi kwasababu ni mtoto wa kiume kwamba,kabla hajaingizwa mle chumbani kwa dada Ashura, inabidi akaoge kwanza na hilo zoezi nilisimamie mimi kule bafuni,basi tulimwingiza ndani na tukawa tunamuelekeza kwa ishara lakini aelewi ilibidi dada yetu mkubwa ajiongeze,akachukua daftari na karatasi akawa anamwandikia anasoma na hatimaye akaelewa kilicho maanishwa!,wakati huo mzee Mniko alikuwa aongei wala kusikia chochote!.Hivyo yule dada wa kazi alinipatia ile sabuni yake nikampa yule mzee na mzee akagoma kabisa mimi kumpeleka bafuni kwa kuwa nilikuwa mdogo!Yule dada wa kazi alimwambia dada yangu amwandikie kwenye karatasi na kumsihi kama amekataa kwenda na mimi basi ahakikishe anaiogea hiyo sabuni ili apone vinginevyo ingekula kwake,mzee aliposoma aliitikia kwa kutingisha kichwa kuonyesha ameelewa,dhumuni la mimi kutaka kumpeleka bafuni ilikuwa ni kwamba nikamsimamie na nihakikishe anaogea ile sabuni asije akaoga maji makavu maana mzee alikuwa mbishi sana na alikuwa hapatani na yule dada ashura.

Baada ya kumaliza kuoga alivaa nguo zake na yule dada akasema tumpeleke kule chumbani kwake,wote tukaingia mle chumbani kwa dada wa kazi.

Dada wa kazi akamwambia "vua shati na ukae hapo katikati ya chumba uangalie mashariki!.

Yule mzee aliandikiwa hayo maelekezo kwenye karatasi na dada akasoma na akafanya kama alivyoambiwa, yule dada alianza kutamka maneno ambayo sikuyaelewa kabisa maana yalikuwa ya lugha ngeni!.Mle chumbani ghafla kukaanza kusikika harufu za marashi makali na vicheko vya watu wakicheka,ndipo yule mzee alipoteza fahamu na sisi tukaanza kuogopa maana hali ilikuwa inatisha!,hiyo ilikuwa mida ya saa 3 asubuhi,Yule dada wa kazi akaendelea kutamka yale maneno mpaka kukawa kimya kabisa!,baada ya kupita kimya kila mtu akiwa anashangaa ghafla yule mzee akazinduka akaanza kushangaa kama vile haelewi kitu,ndipo alipoanza kuzungumza kwa kuuliza "Hapa ninafanya nini?".

Dada yetu mkubwa akamwambia "twende unywe chai".

Baada ya kunywa chai yule mzee kumbukumbu zilikaa sawa akaanza kubwata kwa kikurya kama kawaida yake.

Mzee alisema "Yaani wewe umeuletea huu mji shida na matatizo,sasa nakwambia leo nakuua kwa mshale,sasa nakuomba uchague uondoke hapa leo hii au ufe kwa mshale wa sumu".

Hayo maneno yule mzee Mniko aliyatamka kwa lugha ya kikurya.Yaani hii hali ilitufanya watu hapo ndani kuwa kama mazezeta, kana kwamba tumefungwa,wazo hata la kuwapigia wazazi simu halikuwepo na cha ajabu hata wao hawakupiga simu kwa muda huo na wakati haikuwa kawaida yao.Basi baada ya kumaliza kunywa chai yule mzee alimuaga dada yetu na akasema jioni nikirudi nisije kumkuta huyu "Msaghane".

Kwa watu wa Tarime hili neno "Msaghane" anapoambiwa mwanamke lilikuwa tusi kubwa sana na linalomdharirisha!,Yule mzee aliondoka na wengine pale nyumbani tuliendelea na shughuli zetu kama kawaida.kabla ya kufika jioni alikuja pale nyumbani kijana wa yule mzee alikuwa akiitwa Ezekiel,huyu kijana alikuwa akija pale nyumbani mara chache sana endapo labda kuna kazi ambazo zilimuhitaji,alizifanya na mama akawa anampa hela.Sasa jioni ile hakuja kwa ajili ya kufanya kazi ila alikuja kwa taarifa ambayo ilitushangaza kidogo!.

Itaendelea....................

 

[Simulizi]

MKASA WA KWANZA - Sehemu ya 5.

Inaendelea.............

Yule Mtoto wa nzee Mniko alifika pale nyumbani ilikuwa mida ya saa 9 kuelekea saa 10 jioni maana wakati anafika mimi sikuwepo, nilienda kufata maziwa,kuna mji haukuwa mbali sana na hapo nyumbani kwetu ambao tulikuwa tukifata maziwa ya ng'ombe kwa ajili ya matumizi ya hapo nyumbani ikiwemo chai,sasa wakati narudi ndiyo nikamkuta hapo nyumbani,alikuwa keshaanza kuwasimulia dada zangu masahibu yaliyompata mzee Mniko.Kwa mujibu wa huyo kijana wa mzee Mniko,alisema mzee wao alifika nyumbani akiwa na hasira sana siku hiyo na haikuwa kawaida yake,sasa baada ya kuwa amesalimia hapo nyumbani ilibidi awaage akawaambia anakwenda kununua miwa kwa ajili ya kwenda kuuza,Eziekel akaendelea kusema kwamba,mara nyingi huyo mzee Mniko anapo kuwa ametoka hapo nyumbani kwa shughuli ya ulinzi usiku, kazi ambayo huwa anaifanya siku zote ni uuzaji wa miwa na anasema ndiyo ilikuwa ikiwaweka mjini yeye na ndugu zake(wadogo zake).

Sasa Ezekiel anasema kwa mujibu wa mashuhuda ni kwamba baada ya yule mzee kuwa ameshachukua ile miwa na kuifunga na kamba akijiandaa kuondoka,wakati amebeba ile miwa akivuka barabara unaambiwa pale pale mzee alishtuka yuko chini akiwa nyang'anyang'a kwani aligongwa na gari iliyokuwa spidi kali sana,Kwa wenyeji wa Tarime nadhani watakuwa wanaielewa ile njia inayoelekea Sirari inayopitia nje ya mji,Pale Tarime ukiwa unatokea Musoma kama unataka kwenda Sirari si lazima upite mjini,kuna njia ilikuwa inapitia nje ya mji huko mto Msati,Sasa huko ndiyo yule mzee Mniko alipogongwa na gari mpaka kifo chake.


Kiukweli zile taarifa zilituhuzunisha sana maana masaa machache yaliyopita tulikuwa na mzee hapo nyumbani lakini sasa hivi tunaambiwa habari za kifo chake!,Kila mtu alibaki anashangaa,nakumbuka yule dada yangu niliyekuwa nikimfuatia alilia sana hasa ukizingatia alikuwa akimpenda sana yule mzee na alishamzoea!,kwahiyo Ezekiel alikuja kutoa taarifa pia akasema kama kuna pesa ambayo mzee wake alikuwa akidai basi apewe kwa ajili ya kwenda kufanyia msiba.Dada yetu mkubwa ilibidi aondoke na Ezekiel wakaenda mpaka zilipokuwa ofisi za kampuni ya mama, kuna mama mmoja alikuwa ni mhazini wa ile kampuni,mama aliwahi kutueleza kwamba kama kutakuwa na shida ya aina yeyote basi tuwe tunaenda kumwona yule mama,tulikuwaga tunamuita mama mdogo lakini yeye aliitwa mama Bona maana alikuwa na binti akiitwa Bona,basi baada y dada yetu mkubwa kufika kule hata akili pia zilifunguka kwani alimpigia mama simu akamueleza visa vilivyotokea toka siku ya kwanza mpaka muda huo,kwa mujibu wa maelezo ya dada,mama alikuwa amesema angekuja haraka iwezekanavyo.

Basi mama akawa ameelekeza kwamba huyo Ezekiel apewe pesa ya mzee aliyokuwa akidai,Ila mama alimzuia dada yetu mkubwa asiende msibani abaki na sisi hapo nyumbani,dada alivyorudi nyumbani alitueleza kila kitu kilivyoendelea huko.Kuanzia huo usiku hali haikuwa nzuri maana ukizingatia nje hakukuwa na mlinzi na ndani pia roho hazijatulia,sasa kila mtu aliwaza kivyake,yawezekana mzee Mniko alivyosema jioni angerudi asimkute dada Ashura pengine aliuliwa kabla ya kutekeleza adhma yake,au wakati anavuka barabara alikuwa na mawazo na alishindwa kuangalia kulia na kushoto ndiyo maana akagongwa na gari!,nilibaki na mawazo kichwani yasiyoisha!.

Asubuhi kulivyo kucha yule mama Bona alikuja pale nyumbani kwa ajili ya kutujulia hali,nadhani mama alimwambia aje atuangalie,alipofika pale nyumbani baada ya kusalimiana naye alituita wote sebuleni kwa ajili ya kufanya maombi,huyu mama alikuwa mlokole,hivyo alipenda sana kuomba,na huu ulikuwa utaratibu wake kila alipokuwa akitutembelea lazima afanye maombi ndiyo aondoke,hata wazazi wangu walishamzoea hivyo!,basi maombi yakaanza,muda huo dada Ashura yupo chumbani kwake maana yeye na maombi ilikuwa kama Paka na Panya!.Baada ya maombi mama Bona alimwachia dada yetu mkubwa hela na kuna maelezo alimpatia.Ilipofika mida ya saa 9 alasiri tulisikia mtu analia chumbani kwa dada Ashura kwa kigugumizi,ilibidi dada zangu waende wakaangalie.

Kumbe alikuwa dada Ashura akilia na inaonekana alianza kulia tangu zamani maana macho yalikuwa mekundu,alikuwa kavimba uso mpaka umekuwa mwekundu sana ukizingatia namna alivyokuwa mweupe!,nikaanza kusikia anamwambia dada mkubwa "Kwanini mnataka kuniua?" .

Kila mtu alipigwa na butwaa,ndipo dada yangu mkubwa akamuuliza "kina nani wanataka kukuua Ashura?".

Akamjibu akasema "Yaelekea una kiburi sana,basi utafurahi na roho yako".

Hayo maneno kiukweli yalimfadhaisha sana dada yangu ukizingatia alikuwaga ni mpole asiyekuwa na makuu na mtu.

Akarudia akamwambia "Unakumbuka siku baba na mama yangu walipokuja hapa nyumbani walikuambia nini?".

Dada akajibu "Ndiyo,nakumbuka".

Akamuuliza "Sasa kama unakumbuka wewe umefanya nini?".

Labda tu niwakumbushe,mnakumbuka hapo nyuma nilisema kwamba baada ya hao aliyowaita wazazi wake kuja kuna sauti ya kiume ilisikika na kuna mambo walimueleza dada yangu mkubwa?,miongoni mwa mambo au masharti hayo aliambiwa,itakapofika ijumaa ya wiki hiyo ambayo walikuwa wamekuja aache kufanya anavyofanyaga vinginevyo angepotezwa vibaya,sasa kumbe dada yangu kule ndani kwake huwaga alikuwa akisoma Maandiko Matakatifu na kumuomba Mungu,na kila Ijumaa alikuwa akifunga na kuomba,sasa kumbe dada Ashura na hao wazazi wake walikuwa hawapendi ile hali,sasa kumbe kipindi tunafanya pale maombi na mama Bona,dada yetu alijisahau na alishaonywa!.

Ashura alimwambia "wewe wazazi wangu wameweka nadhiri kwako na vile ulivyofanya unataka kuniua,mimi sitakufa ila usipokuwa makini utatangulia kwanza wewe maana yaelekea unadharau kiapo!"

Dada alimwomba msamaha dada Ashura lakini alikuwa amefura kama chura aliyemeza kinyonga!.Basi baada ya ukimya kadhaa Ashura alimwambia "usirudie tena!".

Baada ya hilo tukio kila mtu aliendelea na mambo yake,mimi nilitoka nikaenda kucheza mpira maeneo ya jirani na niliporudi nyumbani kama kawaida nikaingia kuoga na usiku ulipofika kila mtu alifanya analojua yeye,wa kuangalia luninga alibaki kwenye luninga nawa kwenda kulala alienda kulala,usiku huo ulikuwa mrefu sana maana zilisikika milio ya ndege wa ajabu hapo nyumbani na mauzauza yasiyoisha.Dada mkubwa usiku huo akaenda kuoga,mara ghafla tulisikia alitoka bafuni amekurupuka akipiga mayowe!,kila mtu alishituka,mimi ilibidi nitoke chumbani kwangu kuelekea sebuleni nikamkuta dada akishangaa,kwa mujibu wa maelezo yake ni Kwamba wakati anaoga alipigwa viboko vya mgongo na mtu asiyemuona!.

Mimi kwasababu akili zilikuwa bado za kitoto ilibidi nianze kucheka,nimecheka sana mpaka machozi yakawa yananitoka,japo nilikuwa namuhurumia lakini sikuacha kucheka!,ndipo dada Ashura alitoka chumbani kwake na kuuliza "kuna nini?".

Dada alimsimulia kila kitu ndipo akamwambia "Niliwaambia mkitaka kuoga mchukue sabuni yangu lakini inaonekana mna viburi,mtakoma".

Ilibidi kila mtu aelekee kulala na kiukweli sidhani kama dada yangu alioga tena, baada ya siku mbili mbele mama yangu alifika kutoka safari.

Itaendelea.....................

 

[Simulizi]

MKASA WA KWANZA - Sehemu ya 6

Inaendelea.............

Baada ya siku mbili mama alirudi kutoka huko kazini kwake alikokuwa amesafiri,kiukweli kwa upande wangu nilifurahi sana maana mara zote mama alipokuwa akienda safari na akirudi,lazima aniletee viatu vipya,hivyo kila alipokuwa akija mimi nilikuwa nafurahia,alifika mida ya saa 7 mchana.Basi jioni baada ya kula chakula,mama alituita wote sebuleni,ndipo maongezi yakaanza.Mama akasema yote yaliyokuwa yakiendelea hapo nyumbani anayafahamu kwani dada yetu mkubwa alimwambia kila kitu,alichokuwa anataka ni kwamba, dada Ashura aeleze ni nini kilichokuwa kinamsibu na asifiche chochote.Baada ya dada Ashura kuwa ameeleza kila kitu kilichotokea,alilisitiza kwamba hatupaswi kuwa na hofu maana wale ni wazazi wake na wangekuwa wanakuja pale nyumbani kila ifikapo mwisho wa mwezi.

Mama niliona anahuzunika sana na akamhoji Ashura "Ina maana wazazi wako kuja hapa kwangu mpaka masharti?".

Yule dada kwa kiburi akajibu "Ndiyo".


Mama alikasirika sana, palepale alitamka ya kwamba "Kapange nguo zako kesho asubuhi nahitaji nisikuone hapa kwangu".

Mama akaendelea kumuuliza "Unanidai shilingi ngapi?".

Yule dada wa kazi kuna kiasi alikitaja ambacho nilishakisahau lakini ilikuwa zaidi ya laki moja kwa maana mama aliwahi kusema kwamba kuna siku alimwambia hela yake awe anamtunzia na endapo angehitaji ndiyo angempatia.Kweli,dada Ashura aliondoka hapo sebuleni kwa hasira kuelekea chumbani ambako alienda kupanga nguo zake.Mama alituambia angempigia simu mdogo wake ambaye alikuwa mama yetu mdogo aje pale nyumbani tukae naye kwa wakati huo maana yeye alihitajika kuwahi kazini.Siku hiyo tulilala kwa amani kabisa bila bugudha ya aina yeyote,Yale mauzauza kiukweli ilifika mahala nikaanza kuyazoea na kuona ni mambo ya kawaida,sasa sijajua uenda ilikuwa ni akili za utoto!.

Asubuhi kulipokucha mama ndiye aliwahi kuamka na kusalimia kwenye kila chumba,alimwamsha dada yetu mkubwa akamwambia "Mimi leo naondoka namrudisha huyu Ashura kwao,niliwasiliana na baba yenu toka ile majuzi nikamwelezea hali halisi na yeye pia akasema nikamlipie tiketi arudi kwao".

Kwa wakati huo mama yangu walikuwa wanafanya kazi zao hizo za ujenzi huko Babati,hivyo ili yule dada wa kazi afike kwao Singida ilipaswa wapitie Nairobi kisha Arusha ndiyo iwe rahisi kufika kwao, maana enzi hizo njia za huku kwetu zilikuwa hazipitiki,hivyo mama akamwambia dada yangu kwamba,watakapofika Arusha atampandisha kwenye magari ya Singida na yeye ataelekea Babati kwenye shughuli zake.Hivyo ndivyo ilivyokuwa,mama alituambia mama mdogo angekuja jioni ile,pia aliahidi kulitafutia ufumbuzi suala la mlinzi siku si nyingi,kuna hela ya matumizi akampa dada,dada Ashura alituaga hapo nyumbani mimi na dada zangu,kwa vile tulishamzoea tulihuzunika ijapokuwa tulipitia mambo mengi ya kutisha!.Kabla hajaondoka alisema "Nitarudi",sasa kwa vile mimi bado nilikuwa mdogo,ile kauli sikuitilia maanani sana maana nilijua uenda atarudi siku moja kutusalimia!.

Basi mama na Ashura waliondoka na tukabaki wenyewe pale nyumbani mpaka ilipofika jioni mama mdogo alikuja na maisha yakaendelea kama kawaida,zilipita siku tatu mama alipiga simu,aliongea na mama mdogo akamweleza yeye keshafika huko kazini kwake na Ashura walipofika Arusha alimpakia kwenye magari ya kuelekea kwao Singida hivyo hajui kama alifika ama la!,lakini mama anasema alimuuliza akamhakikishia angefika salama pasipo shaka yeyote!.Tulikaa hapo nyumbani na shughuli zikawa za kawaida mpaka shule zilipofunguliwa ile mwezi januari nikaanza kwenda shule kama kawaida!.

Itaendelea........................

 

[Simulizi]

MKASA WA KWANZA - Sehemu ya 7

Inaendelea.............

Ulipokatika mwezi mmoja toka mama mdogo kaja pale nyumbani kuna hali fulani za kutisha na kusikitisha zilianza kujitokeza,nakumbuka siku moja nilichelewa kufua nguo zangu za shule kwasababu ya michezo maana tulivyotawanyika shuleni mimi nikaelekea kucheza mpira na marafiki zangu ,nimerudi nyumbani usiku sana hivyo ilinibidi nifue nguo za shule usiku huo,nilichofua ilikuwa shati na tai maana bukta ilikuwepo nyingine,mashati nilikuwa nayo mawili,moja lilikuwa na muhuri wa shule na lingine lilikuwa halina muhuri,kwahiyo nilifua lenye muhuri maana kesho yake ilikuwa ni siku ya ukaguzi,siku ya ukaguzi ulikuwa ukivaa shati lisilokuwa na muhuri viboko vilikuwa vinakuhusu,lile lisilokuwa na muhuri nilikuwa nalivaa siku za kawaida,hivyo ilibidi nifue kwa maana shati lenye muhuri ndilo lilikuwa chafu.Hivyo nilivyomaliza kufua ilibidi usiku huohuo nilipige pasi ili liweze kukauka!,mama mdogo aliniambia siku nyingine nisiwe nafua usiku kwa maana huwa si vizuri.

Basi shughuli zote zilipoisha tuliingia kula kisha kila mtu kuendelea na shughuli zake,mimi sikutaka kukaa sebuleni,niliingia chumbani kuendelea na ishu zangu za matayarisho ya shule,baada ya hapo niliingia kulala,nilikuja kushitushwa usiku wa saa 9 na sauti za watu,kumbe walikuwa ni kina mama mdogo na dada zangu wameamka wakiongea,ndipo dada yangu mkubwa alikuwa akinigongea mlango wa chumbani kwangu.Nilipoamka kitandani ile nimekanyaga chini nikakutana na maji yenye kimo cha magotini,nilishituka sana,nilipoufungua mlango swali la kwanza kwa dada yangu lilikuwa ni " Haya maji yametoka wapi?".

Nilimtazama dada yangu alipokuwa kasimama nikaona maji yapo magotini,Kumbe nyumba nzima ilijaa maji na bado mabomba yalikuwa yakitoa maji nyumba nzima,ndipo mama mdogo alipoingia bafuni na chooni kufunga mabomba,alimwambia pia dada aingie kule jikoni kufunga mabomba ya maji,baada ya hapo mama mdogo alituita na kutuuliza "ni nani jana hakufunga mabomba alipo maliza shughuli zake?".

Kila mtu alisema alipomaliza kutumia maji alifunga bomba,mimi kwa upande wangu nilisema nilipomaliza kufua nilifunga bomba na bahati nzuri niliingia chumbani kwangu nikawaacha wao sebuleni,hivyo kama sikufunga bomba ingeonekana.Kila mtu humo ndani alikuwa akishangaa hilo suala la maji kujaa ndani ya nyumba,kile chumba cha wazazi wangu kilipofunguliwa ndipo nako tukakuta mabomba ya bafuni yanamwaga maji!,ndipo sasa akili zilianza kuruka kwa kasi na kila mtu kuingiwa na uoga!.

Mama mdogo alisema "Hiki chumba hakina mtu na kilikuwa kimefungwa,kama kweli tungekuwa tumeacha mabomba bila kufunga ilipaswa yawe ya huku kwetu tu,sasa na huku je nani kafungua haya mambomba?".


Ndugu zangu labda tu niseme sijawahi kushuhudia mauzauza kama niliyoyashuhudia kipindi hicho,maji yalikuwa yamejaa nyumba nzima,ndipo kazi ya kuyachota ikaanza,tulichota yale maji kuanzia mida ya saa 9 usiku mpaka asubuhi,mimi ilibidi nijiandae kuelekea shule asubuhi hiyo maana sikuwa na namna,viatu vyangu vililowana na maji lakini nilijitahidi kuvikamua na kuvikung'uta,vilipoonyesha hali ya kukauka,nilivaa nikasepa zangu shule nikawaacha wao wakiendelea kuyatoa maji ndani ya nyumba.,Baadae niliporudi nyumbani niliwakuta vijana wawili walikuwa ni vijana wa majirani wakisaidia kuyatoa yale maji,sasa hebu fikiria toka asubuhi mpaka ile saa 9 mchana, mimi nafika nyumbani maji hayajaisha ndani!.Kiukweli tulipambana sana mpaka yakaisha na tulimshukuru Mungu sana.

Baada ya siku kupita ambayo sasa ilikuwa ni jumamosi siku hiyo,tulipo kuwa nje kila mtu akiwa na shughuli zake ndipo ndani tukasikia yule dada yangu niliyekuwa namfuatia mimi kwa uzao akipiga kelele sana!,tulitimua mbio kuelekea ndani na kumkuta kajifungia chumbani,baada ya kugonga sana akafungua mlango akiwa bado ana maji mwilini,kwa maana kwamba alikuwa bafuni akioga,ndipo akaanza kusema kwamba alipokuwa bafuni alikuwa anahisi kuoshwa na mtu asiyeonekana na kumshikashika mwilini,ndipo alipopiga kelele na kukimbilia chumbani!.Tukiwa bado tumekaa tukishangaa humo chumbani,ghafla tukaanza kusikia watu wakitembea wakiwa wanakuja mle chumbani tulimokuwamo.

Hapa naomba nielezee kidogo,ulishaonaga mwanamke amevaa viatu virefu akiwa anaingia eidha kanisani au sehemu zilizotulia kwa ukimya?,huwa kuna mlio fulani ambao viatu alivyovaa huwa vinatoa,huwa ni kama kwaaaa.....kwaaaa.....kwaaaa,basi huo mlio ndiyo tuliyokuwa tunausikia,kwa sauti zile za viatu yaelekea walikuwa wengi wanatembea maana milio ya hizo skuna ilikuwa mingi ikija mahali ambapo tupo.Ghafla kila mtu alitafuta mahali pa kujificha,si mama mdogo wala dada zangu, kwani kila mtu aliogopa,mimi nakumbuka niliingia kabatini(makabi yale ya ukutani),hao wengine sikutaka kufahamu wao walijificha wapi maana hali ilikuwa ni mtafutano!,baada ya kuwa tumejificha na kuwa kimya zile sauti zilikoma,ndipo kila mtu alitoka kwenye maficho,nakumbuka nilipotoka kabatini niliwakuta wenzangu wakiwa uvunguni.

Basi mama mdogo ile hali ilimpatia wasiwasi sana,alisema "Sidhani hapa kama pana nifaa,hii hali mlikuwa mnakaa nayo siku zote?".

Dada mkubwa alimjibu "Hapana,hii imeanza baada ya Ashura kuondoka na imeanza hivi majuzi tukiwa wote sisi na wewe!".

Tulikaa kwa wasiwasi sana siku hiyo,ilipofika usiku kila mtu aliingia kulala,siku hiyo hakuna ambaye alitaka kubaki sebuleni mwenyewe!.Nilipoingia chumbani kwangu kabla ya kulala nilichukua madaftari na kuanza kujisomea kama kawaida yangu,nakumbuka nilijisomea mpaka mida ya saa 4 usiku ndipo nikazima taa na kuingia kulala.Mara ghafla baada ya dakika 10 nikasikia taa imewashwa!.

Itaendelea.....................

 

[Simulizi]

MKASA WA KWANZA - Sehemu ya 8.

Inaendelea.............

Yaani ndiyo nilikuwa nimeingia kulala tu hata usingizi haujaanza kunikolea,swichi ya taa mle chumbani kwangu ilikuwa mlangoni kabisa hivyo ukiwa unaingia ndani kama kuna giza unawasha swichi ndiyo unaendelea na mambo mengine,kitanda kilikuwa mbali na swichi ya kuwasha taa,hivyo nilishituka na kutazama mlangoni nikiwaza labda nilikuwa sijafunga mlango dada yangu atakuwa kaingia lakini cha ajabu sikuona mtu,ikanibidi niamke nikatazame mlango kama nimeufunga!.Mlango nikakuta nimeufunga,bado sikuelewa maana niliona taa kujiwasha yenyewe ni kitu kisichowezekana,ikabidi nizime tena ile taa nikarudi kulala.Mara ghafla tena baada ya muda kidogo kupita ile swichi nikasikia inawashwa!,bado sijajua ujasiri kipindi kile ulikuwa unatoka wapi maana nilipoamka nilitamka kwa sauti "Niacheni nilale,nimechoka msinisumbie".

Kumbe ile kauli yangu ya kijasiri ndiyo ilikuwa kama nimekoleza pilipili kichaa kwenye macho!,niliamka vizuri kama kawaida nikaenda tena kuizima ile taa nikaingia kulala,ile taa ikawashwa tena na safari hii nilipo enda pale kwenye soketi kuizima haikuzimika!.Akilini niliwaza nikajisemea naweza kuwa nawaza mambo mabaya kumbe ilikuwa ni masuala ya umeme tu!.Basi nikaingia kulala hivyo hivyo na taa ikiwa inawaka sikutaka mambo mengi japo nilichelewa kupata usingizi maana toka zamani kupata usingizi na taa ikiwa inawaka kidogo ni mtihani!,nilipopitiwa na usingizi nilishituka nimesukumwa kutoka kitandani,kabla ya kufika chini kulikuwa kuna meza ambayo nilikuwa nikiweka vitu vyangu,nikajikuta nimeishika ndipo ikapunguza kasi ya kujipiga chini kama gunia la viazi,nilipata maumivu ya kidole kidogo cha mkono wa kulia maana lilikuwa ni tendo la ghafla ambalo sikulitarajia,kidole changu kidogo cha mwisho cha mkono wangu wa kulia mpaka leo hii ninapoandika huwa kimepinda na hakisikii maumivu,chimbuko la hayo yote ni hilo tukio!.

Basi ilibidi niamke nikafungua mlango nikaenda kumgongea dada yangu mkubwa nikamwelezea kila kitu,kiukweli alishangaa sana,ikabidi yeye amgongee mlango mama mdogo aliyekuwa akilala na dada yangu niliyemfuatia,ikabidi niingie nilale kule,mle chumbani alipokuwa akilala mama mdogo na yule dada yangu,kulikuwa na kitanda cha kawaida na kitanda cha double,hivyo mimi nikapanda kitanda cha juu cha double kulala.Asubuhi kulipo kucha mama mdogo alitoa wazo ya kwamba kuna rafiki yake anafahamiana na mtaalamu mmoja wa tiba za asili,hivyo angempigia simu huyo rafiki yake amlete yule mtaalamu pale nyumbani!,lakini alisistiza ya kwamba tusije kuwaambia mama na baba.

Kweli!,baadae yule rafiki ya mama mdogo alifika na huyo mtaalamu,mtaalamu baada ya kuingia mle ndani na kuanza vitu vyake akaanza kutueleza mtiririko wa matukio mpaka hapo tulipofika,mtaalamu alituambia ya kwamba "Yule Ashura alikuwa ni mshirikina na alipoondoka kuna vitu aliviacha na vipo humo chumbani alimokuwa akilala, kwa macho ya kawaida si rahisi kuviona".

Pia akasema "Huyo mwanamke alikuwa na nguvu zisizo za kawaida mpaka yeye mwenyewe atakaporudi kuja kuvichukua ndipo hayo mauzauza yataisha lakini vinginevyo huu mziki mtaendelea kuucheza bila kupenda!"

Hapo ndipo nikakumbuka ile kauli ya dada Ashura siku anaondoka kwamba "Nitarudi",yule mtaalamu alituambia lazima dada Ashura arudi maana vitu vyake alikuwa kaviacha ndani,haijarishi atarudi kwa staili gani lakini lazima arudi!.Yule mtaalamu alisema "mimi siwezi kuvitoa hivyo vitu vyake na nikilazimisha nitafia hapa!".

Jamaa hakuchukua muda sana akawa ameondoka,kwahiyo mama mdogo alibaki sana na maswali,siku hiyo tukakubaliana kwamba mimi niwe nalala na wao mle chumbani maana bado mdogo!,basi ndiyo ikawa hivyo.Nakumbuka siku kadhaa zikiwa zimepita na baadhi ya matukio kupungua,siku moja nikiwa nimeingia bafuni kuoga nikiwa nimejipaka sabuni kuanza kujisugua,ile nimefungulia maji ya bomba la juu(Shower)nikiwa naoga vizuri tu,sasa ile nimemaliza nageuka nyuma ya mlango nichukue taulo nijifute maji ili niondoke mle bafuni,mara ghafla nikakutana na dada Ashura ana kwa ana,nilipiga kelele na kuanguka mle bafuni,sikujua kilichoendelea tena mpaka niliposhituka nikiwa hospitalini.Kuna hospitali moja ilikuwa inaitwa WENAN HOSPITAL,hili jina sijui kama lipo sahihi lakini ndiyo hospitali ambayo nilipelekwa kipindi kile na sijui kama bado ipo maana ilikuwa ni hospitali kubwa tu pale Tarime kipindi hicho.

Sasa hili tukio lilikuwa baya sana maana lilinilaza kitandani miezi 4 nikashindwa kwenda shule,Kwahiyo sikuweza kuelewa na sikukumbuka tena ni nini kilitokea mpaka mimi kuwa pale hospitalini,ilibidi baba yangu atoke Dar es salaam alipokuwa kahamishiwa kikazo,mama yangu naye alikuja kipindi hicho.Hali ilizidi kuwa mbaya sana pale hospitalini, ilibidi nirudishwe nyumbani kwanza,hapo hospitali nilikaa si chini ya wiki mbili,hivyo nikarudishwa nyumbani.Mpaka hapo nilikuwa sikumbuki ni nini kilichonitokea maana nilikuwa naulizwa ni nini kimenipata nashindwa kusema,nilikuwa sikumbuki chochote kile,kuna rafiki yake na mama alikuja pale nyumbani akamshauri mama akamwambia "Huyu mtoto kama kaanguka bafuni basi msipofanya namna mnampoteza".

Kweli,mama hakulaza damu,akawasiliana na shangazi yetu alikuwa akiishi Mwanza ambapo yule ndugu yangu alikuwa akikaa kwake,alipowasiliana na shangazi shida yake kubwa ni kumleta Mmmganga kutoka huko Mwanza.Kwa namna ambavyo hali haikuwa nzuri ilibidi iwe haraka,baada ya siku mbili yule mganga akawa kafika kutoka Mwanza,baba akaenda kumpokea stendi ya Tarime mjini.Yule Mganga alipofika hapo nyumbani baada ya kuniona alianza kucheka sana, hakuna aliyefahamu alikuwa akicheka kitu gani!.

Itaendelea...............

 

[Simulizi]

MKASA WA KWANZA - Sehemu ya 9.

Inaendelea.............

Kiukweli hatukuelewa kinachomfanya acheke ni kitu gani!,akaanza kusema "mbona mnahangaika sana wakati haya mambo ni madogo sana?,sikuwa na sababu ya mimi kuja huku lakini hakijaharibika kitu!".

Basi wakati huo mimi nkiwa nimelala kitandani chumbani kwangu,huyo mganga alifanya mambo yake na alipomaliza kufanya mbwembwe zake alisema humo ndani bado kuna mali za dada Ashura,ukiondoa hiyo mali yake lakini pia akatuambia kuna mali ambazo ziko kama nguo ambazo si zetu inapaswa zikachomwe moto,kumbe zile Pajama tulizonunua siku ile kwa ajili ya ndugu zake kuja zilikuwa tayari zina nembo yake,hivyo zilikuwa mali ya Ashura!.Yule Mganga aliamlisha zile nguo kama zipo zichomwe moto saa hiyohiyo,Kila mtu alitoa nguo zake,kwakuwa mimi sikuweza kuamka pale kitandani kwa wakati huo,dada yangu yule l niliyemfuata alifungua kabati akazitoa, Yule mganga na baba walielekea nje kwa ajili ya kuzichoma moto.

Baada ya lile zoezi mganga alisema anasubiri ikifika usiku wa saa 6 kuna dawa ataifanya ili ile mali iliyopo chumbani kule alipokuwa akilala Ashura iwe rahisi kuichukua,kwani bila hiyo dawa itakuwa ni vigumu kuitoa hiyo mali!,Mzee alimuuliza hiyo mali niya aina gan?,Yule mganga akasema anaona kitu kama mkufu lakini aelewi upo maeneo gani,mpaka afanye hiyo dawa ndiyo ingejulikana vizuri.Huo mkufu nikaukumbuka maana Ashura alipokuja alipenda sana kuuvaa lakini kuna kipindi sikuwahi kumuona nao tena.Baba alikuwa akilalamika sana ya kwamba anajuta kumfahamu huyo dada Ashura,ndipo Yule mganga akamuuliza"ulimtoa wapi?".

Baba akasema "Nilipokuwa kikazi huko mkoani Singida,nilikutana na rafiki yangu wa siku nyingi ambaye tumesoma naye,huyo rafiki yangu alikuwa akielewana na mama yake na Ashura,sasa rafiki yangu akaniambia kwamba Ashura alikuwa akimsumbua sana amtafutie kazi,sasa tulipo onana na huyo rafiki yangu akaniambia kuna binti mmoja anahitaji kazi,akaendelea kuniambia nimchukue akanisaidie kazi kwakuwa sikuwa na binti wa kazi,basi nikakubali na ndiyo kuja na Ashura hapa nyumbani!".


Baba akaendelea kusema "laiti ningefahamu kama Ashura alikuwa na tabia hizi za ushirikina nisingemchukua maana ameiharibu sana familia yangu".

Sasa kumbe haya yote yaliyokuwa yanaendelea hapo nyumbani,muda huo dada Ashura yupo akiyashuhudia!,hakuna aliyefahamu,hata huyo aliyejiita mganga hakuwa akijua.Ilipofika usiku wa saa 6 yule mganga alianza kupiga manyanga pale sebuleni akiwa yeye na wazazi wangu,wengine wote waliambiwa waende vyumbani!.Kumbuka yule mzee alisema hawezi nitibu kwanza mpaka hiyo mali iliyoko chumbani ipatikane na itolewe!,lakini alisistiza kwamba ile ilikuwa kazi ndogo sana na haikuwa na ugumu!.Mzee akaanza kufanya mambo huko sebuleni,wengine huku vyumbani tunasikia tu anatamka maneno yasiyoeleweka,akiwa anaendelea kufanya mbwembwe zake za uganga,ghafla akaanza kusema"Nakufaaaa........nakufaaaa......nakufaaa".

Ilibidi hata waliyokuwa pale sebuleni wakimbie kuelekea chumbani,mimi nikiwa chumbani nilisikia tu vishindo vya miguu ya watu wakikimbia,kumbe alikuwa mama na baba wakitoka nduki!,kiukweli sikufahamu ni nini lakini nilijua tu tayari yalikuwa yamewafika!,nikawa nacheka lakini kwa maumivu maana mgongo ulikuwa ukiuma sana.Kiukweli nadhani baada ya lile tukio siku ile bafuni nilishajikatia tamaa na nikasema liwalo na liwe,hivyo sikuwa nikiogopa tena!.Nilianza kusikia sauti ya kike pale sebuleni ikisema "Mnakimbia nini?,nyie si majasiri?,mbona mnakimbia?".

Ile sautu ikasisitiza ya kwamba "nawaomba mje hapa sebuleni mara moja!".

Nadhani ile hali iliwapatia wazazi wangu shida ila ilibidi watoke waende hawakuwa na namna!,Baada ya kurudi sebuleni nilisikia ile sauti ikisema "Huyu kaja hapa kuwadanganya na nyie mnadanganyika si ndiyo?,hakuna anayeniweza kwa taarifa yenu,labda niwaulize aliyewapa mamlaka ya kuchoma nguo zangu ni nani?".

Ile sauti niliyoisikia ikawa inasema "hii nyumba hapa ni kwangu,hakuna wa kunitoa hapa wala kunifukuza hapa, haya yote yanawapata kwasababu mmeanza kuwa wakaidi,sasa adhabu yenu ataibeba huyu mjinga,tangu mchana nipo hapa nawaona tu mnavyohangaika"

Yaani adhabu iliyokuwa itupate pale ndani ilibidi ibebwe na yule mganga,dada zangu nao wakiwa huko vyumbani walikuwa kimya wakisikiliza sauti toka sebuleni!,Ndugu zangu kama huwajawahi kukutwa usiombe yakukute maana inaweza onekana kama mchezo wa kuigiza lakini ni ukweli na hakika,namshukuru Mungu siku hizi mimi namtumikia Mungu hivyo mambo ya kishetani tena kama hayo huwa yananipita kushoto maana sina muhuri wa Ibilisi.Basi baada ya kuwa ameongea kwa msisitizo alianza kutamka pale laana.

Akawa anasema "Wewe mzee kwa kuwa nilikuheshimu na haya ndiyo uliyoyafanya ukiwa na dhumuni la kutaka kuniua adhabu yako haiko mbali".

Mzee wangu nilisikia akijitetea kwamba "haya yote nayafanya kwasababu ya mwanangu anaumwa"

Ile sauti ikamjibu ikasema "huyo anaumwa na hamuwezi kumponya na mpaka nipende mimi,hicho kilichomlaza hapo kitandani ni kiherehere chake mwenyewe".

Alipomaliza na baba akahamia kwa mama akaanza kusema "Na wewe nimekuwa nikikuonya lakini hukunisikia,kwanza ulinitelekeza njiani,ulidhani sitorudi,haya sasa nipo kwako niue".

Muda ulizidi kuyoyoma na ndipo sauti toka sebuleni niliskia ikisema " Wewe mjinga chukua kila kilicho cha kwako na unifuate".

Baada ya hapo kulitokea ukimya wa ajabu,ndipo baba aliwaita mama mdogo na dada zangu waende sebuleni,ndipo aliwaambia huyo aliyekuwa akiongea alikuwa ni Ashura,baba akawaambia ya kwamba waache kujihusisha na mambo hayo na yeye angejua la kufanya!.

Yule mganga alimfuata Ashura na mizigo yake aliyokuja nayo, haikujulikana alipelekwa wapi maana waliondoka hapo ndani huku mageti yakiwa yamefungwa na hakuna aliyefahamu nje walitokaje,ilikuwa kama sinema lakini ilikuwa halisi kabisa.Basi tulikaa na ile hali hapo nyumbani huku mimi mgongo ukiwa unanisumbua,sikuweza kutoka kitandani ila fahamu zilirejea na nilikuwa naelewa sasa lipi ni lipi ila kuamka kitandani ndiyo ilikuwa shughuli.Baada ya siku tatu baba aliaga akasema kuna sehemu anaenda na atarudi kesho au kesho kutwa na hakutaka kusema anaelekea wapi!.

Itaendelea......................

 

[Simulizi]

MKASA WA KWANZA - Sehemu ya 10

Inaendelea.............

Nakumbuka ilipita miezi 2 na nusu mimi sijakanyaga shuleni maana niliumwa sana na mgongo!,kiukweli ndani ya muda huo mauzauza yakapungua ila uoga wa hapa na pale haukuisha!,baba alirejea ndani ya zile siku alizokuwa amesema na tukaendelea na maisha kama kawaida,kuna siku baba alimwambia mama kwamba anataka kurudi Dar es salaam kazini lakini kabla hajarudi kazini anataka kwenda kwa rafiki yake akaonane naye sehemu moja inaitwa Utegi,huko Utegi kwa wale ambao hamjafika Tarime nadhani leo ndiyo inaitwa Rorya,tayari ishakuwa wilaya inayojitegemea,zamani ilikuwa sehemu ya vijiji vya Tarime.

Mama pia alimwambia na yeye hatakuwa na siku nyingi pale nyumbani maana anamsubiri mama mdogo amalize mambo yake huko nyumbani kwake atakaporudi naye ataondoka kurudi huko Babati kazini kwake,Kiukweli mimi kadri ulivyofika mwezi wa tatu katikati baada ya lile tukio la kuanguka bafuni hali ilianza kuwa nzuri,nilianza sasa kutembea nikawa naweza hata kuinama na nikaanza kujifulia hata nguo zangu mwenyewe.Baba alipoondoka nakumbuka miaka hiyo si mama wala baba hawakuwa na simu za mkononi,mawasiliano yalikuwa ya simu ya mezani tu!,baada ya mzee kuondoka zilipita siku tatu hakuna mawasiliano,mama alikuwa na mashaka sana maana hakuzoea baba kwenda mbali bila kumpigia simu,na hakujua huko alikokwenda baba ni nini kilikuwa kinaendelea!,mama akaendelea kujipa moyo,baada ya wiki kupita,wasiwasi ulianza kumjaa mama maana alisema "Huyu baba yenu alipaswa arudi kazini,kaondoka hakuna mawasiliano,na ameendelea kukaa kimya wakati anaelewa kabisa hapa nyumbani katuacha na hali gani".


Nakumbuka baada ya wiki hiyo kupita mimi nikaanza sasa kufanya shughuli zangu kwa ukakamavu!,baada ya siku kadhaa ya hiyo wiki ya pili baba akawa amerejea,siku hiyo nakumbuka mama alimsimanga sana baba na kumsema sana,baba alikaa kimya na alikuwa mtulivu maana kelele za mama yawezekana alikuwa alishazizoea,hakuna aliyefahamu huko Utegi alienda kufanya nini,labda yawezekana alimwambia mama lakini sisi watoto hatukujua lolote!.Baada ya kutoka huko Utegi,alikaa siku mbili pale nyumbani na safari ya kuondoka kurudi Dar es salaam iliwadia,akatuaga akasema anaenda kukatia tiketi Musoma kwa ajili ya kuondoka,kwa wakati huo kuna gari lililokuwa linaenda Dar es salaam lilijulika kama SCANDINAVIA na lilikuwa linapitia Nairobi, ili upate tikiti ilikulazimu uende Musoma kukata tikiti maana enzi hizo hakukuwa na wakala wa hayo magari pale Tarime mjini,baada ya kukata tikiti wewe ndiye ungeamua upandie kulekule Musoma au urudi uje upandie Tarime,baba aliamua akapandie Musoma.

Mungu mkubwa nikawa sasa nimepona na nikaanza kurejea shule kama kawaida,mauzauza yakawa yameenda likizo kwa muda usiojulikana!,Kiukweli tulikaa sasa kwa amani na furaha ilianza kurejea kama kawaida maana hakukuwa na vitisho tena hapo nyumbani,Kumbuka nimesema mauza uza yalienda likizo kwa muda.Baada ya siku kadhaa mama alituaga akaondoka kurudi kazini kwake huko Babati,Manyara!,mama mdogo naye akawa amerudi na maisha yakaendelea kama kawaida.

Basi siku moja baba alirudi kutoka Dar es salaam alipokuwa amehamishiwa kikazi na hatukujua ni nini kirimrudisha hapo nyumbani ghfla hivyo.Nadhani niliiwaambia kuna siku aliaga akasema anaelekea kwa rafiki yake mmoja Utegi,kumbe kule Utegi hakwenda kwa rafiki yake wala nini bali alikuwa kaenda kwa mganga wa kienyeji,kwa taarifa tulizozipata pale nyumbani ni kwamba,kipindi kile alipo enda kwa huyo mganga hakumkuta, ikabidi amsubiri pale nyumbani kwa mganga ambako muda huo kulikuwa na wasaidizi wake tu,Kwahivyo baba ilibidi amsubiri yule mganga kwa muda wa wiki nzima,alipoona harudi kwa wakati ndipo ilibidi arudi nyumbani kujiandaa na safari ya Dar es salaam.

Sasa kumbe ule ujio wa mzee inaonekana aliwasiliana na huyo mganga akamwambia safari hii aende atamkuta,basi baada ya siku tatu akaondoka na kauli yake ileile ya kwenda kuonana na rafiki yake kule Utegi!,kweli,tulikaa pale nyumbani siku hiyo ikapita na siku iliyofuata nakumbuka ilikuwa mida ya saa 10 jioni,wakati narudi nyumbani kutoka shule,ile naingia ndani nikakutana na kikao sebuleni,alikuwepo mama mdogo pamoja na dada zangu wakizungumza!,ndipo nilipoambiwa muda si mrefu,yule kiumbe wa ajabu(Ashura) alikuwa hapo na katoka kuwaambia kila kitu alichokuwa anakifanya baba,sasa kabla ya Ashura kuondoka aliwaambia wajiandae kufanya msiba maana baba angerudi asingemaliza siku pale nyumbani,angekufa!.Mimi nilidhani ni kama maigizo lakini ndivyo ilivyokuwa,maana Ashura aliwahi kusema yeyote atakayejifanya kwenda kwa mganga kwa ajili yake ina maana alikuwa anataka kumuua yeye au kumsababishia matatizo kutoka kwa ndugu zake ikiwemo kuuliwa!,alikuwa kasema kabla ya yeye hayo hayajamkuta inapaswa huyo anayetekeleza huo ujinga afe yeye kwanza!,Pia aliwahi kusema ni marufuku kuomba au kusoma vitabu vitakatifu,hili agizo walitoa wale waliokuwa wanafahamika kama wazazi wake!.

Basi baada ya siku kadhaa baba alirejea nyumbani,dada zangu walimsimulia yote yaliyosemwa na Ashura,baba akawaambia"nilienda huko kwa ajili yenu wanangu,na kwa ajili ya kazini kwangu!".

Baba hakumaliza siku damu zilianza kumtoka puani kama maji,dada mkubwa ilibidi ampigie simu mama kumuleza hali namna ilivyokuwa,mpaka mama anafika pale nyumbani alikuta tayari kuna msiba wa baba (R.I.P).Baba yangu alifariki tarehe 21.5.2001 na alizikwa makaburi ya Ronsoti(Wenyeji wa Tarime watakuwa wanayafamu).
Baada ya baba yangu kufa,kiukweli hali ilikuwa mbaya sana,ukizingatia tena ndiye alikuwa nguzo ya familia,baba yangu kidogo alikuwa na vipesa vya hapa na pale maana kwa wakati huo kukaa maeneo hayo ya bomani haikuwa kazi nyepesi sana,wakazi wa Tarime nadhani watakuwa wanaelewa vizuri hayo maeneo.

Baada ya msiba wa baba ni kama familia nzima ilikumbwa ni mikosi maana mama naye aliacha kazi kwasababu ile kampuni yao ya ujenzi aliyokuwa akiifanyia kazi ilifilisika,sikujua ilikumbwa na nini maana kipindi kile sikuwa na ufahamu sana wa haya mambo ya kufilisika,mama alisimama kwenda kazini!.Maisha yalivyozidi kuwa magumu yule Shangazi yetu aliyekuwa akikaa Mwanza alimshauri mama atafute pesa akafanye biashara huko Mwanza!,mama alipata wazo la kuuiuza ile nyumba yetu,ndipo alipotuita wanae wote akatushirikisha na sote tulikubaliana,ukizingatia nyumba yenyewe ilikuwa na mauzauza,mpaka wakati huo hakuna jirani yeyote ambaye alielewa mauzauza ya ile nyumba ila ilibaki kuwa ni siri ya familia.Baada ya ile nyumba kuuzwa sote tulihamia Mwanza,wenzangu waliondoka wakaniacha pale Tarime kwa mama mdogo,nilipomaliza darasa la saba niliondoka kuelekea mwanza huo mwaka 2003.

Itaendelea..........................